(الميكانيكي المحامي)

 حابب احكي عن تجربتي بالتوجيهي 

انا شب عمري ٢٠سنه عنا محل قطع سيارات 

وبشتغل مكانيكي وبياع في المحل ،ابوي لما نزلني على المحل كان فاقد الامل فيني من كتر ما انا مو شاطر عندي اغلاط في الاملاء

وبعرفش احسب ولا احكي English المهم تركت من صف عاشر وصلت المحل مع العلم بكل عطله صيفيه كانت الي كنت انزل عالمحل... 

 ما كنت اعرف احكي مش منخرط بالعالم ، البيئه ما كانت مساعدتني. وصلت مرحله اكره حالي واحكي شو الفايده مني كل يوم بتبهدل من ابوي وما بتعلم لمتى ؟ 

ضليت سنتين ضايع لحتى اجى اليوم ابعد فيه عن البيئه الي كنت فيها بمساعده ابوي وغصب عني تركتهم صرت اتقرب لابوي وجيلي صار توجيهي عمرهم ١٨ وانا لسا بمحلي بشتغل زعلت لما نجحو ناس وصلو الجامعات وانا لسا هون وصار عمري ١٩ لسا زي ما انا وحالتي صارت عذاب ....بدي اتعلم بدي اوصل ،صرت اتفرج على قصص نجاح كيف هيك بعملو اسمع فيديوهات ابراهيم الفقي واستمتع حسيت حالي اشي بس برضو مش لاقي حالي

 لحد ما حكيت وفعدت مع ابوي وحكتلو يابا بدي اكمل دراستي واقدم توجيهي قعد يضحك!! بحكيلي هاض شكل بتعلم صلي على النبي طبعا اتخبيت ورا السيارات وانفجرت من البكى وحكيت ليش ابوي بطلع علي بهاد الشكل ليش بكرهني مع انو الواقع كان هيك بحكي انا فعلا مش شغل دراسه زي ما هوا مبين قعدت مع اختي الكبيره معلمه وحكتلها وفضفضت الها وحكتلها نفسي اصير بني أدم ..واكبر ...ليه هيك بصييير معي؟ اختي معلمه فيزياء حكتلي حمزه انا رح اسجلك من راتبي وبدفعلك واتوكل على الله بس بدها جهد وبدك اتساعدني وانا رح اوقف معك حكتلها حاضر راحت سجلتني بعد ما قبضت راتبها وروحت حكت لوالدي رد عليها الله يعوض عليكي 😊 بلشت رحلتي دافعت عن طموحي بلشت من ١+١ ...

من الضرب القسمه والاشارات معها كنت اتعلم بسرعه جمعت على الاساس بشهر ونص، بطلت اداوم منيح ابوي انصدم مني نيتي قويه! بلش يجيني دعم ويشوفوني ١٧ ساعه قاعد بنسخ سجلت مركز عربي تخصص وانجليزي تعبت اول فصل ..الانقطاع طلع على جلدي دراسه ذاتيه، وختمات متتاليه، خوف وتوتر وبدي اثبت حالي اهلي صارو يحكولي حمزه ان رسبت عادي العظماء فشلو ومفكرني رح ارسب وكنت ادعي كتيييير كتيييير وصرت اصلي وبدت حياتي حلوه وبطلت ضايع الانجليزي اصعب ماده عندي اكتشفت اني بحب السياسه وكتب التاريخ والدين والعربي.. بالمناسبة بحب اشكر الاستاذ ماهر ابو بكر ❤️ حبيت المواد دايما ادرس ١٧ متواصل ما بعرف بتركيز مش بتركيز المهم بنسخ بدي اتمكن من الكتابه صار شهر ١٢ الكل بستنى والكل بسأل كيف دراسته والكل اتخوت علي ميكانيكي تخيل ينجح هههههه انا اروح ابكي دم الي بحكيلي لو بتنجح الا اعبي الدنيا كنافه يزم لذا ما بتجبيها من المره المليون ما بنفهم والله سمعت كلام بجنن 😊 الحمد لله 

كنت بهاد الشهر متوتر وبنفس الوقت صار الوقت الا ارد عليهم بعلامتي بس مشكلتي الانجليزي بس كلو متمكن ختمت ٣ مرات 

وصلت لباب اول امتحان الكل بحكيلي طمني طمن طمن طمن. ضليت ساكت امتحان رياضيات 

روحت مبسوووط الفرحه مش واسعتني مزبط مزبط الحمد لله طمنتهم وكتلهم زبطت اختي صلحتلي وصارت تبكي 

وحكتلي بتجيب٥٨من ٧٥ هون ولعه واشتغلت صرت كل امتحان ازبط الحمد لله 

وصلت امتحان الانجليزي عارف حالي رايح راسب 

فعلا روحت ما اهتميت كتيير حكتلي اختي بتنجح بكم علامه على الحفه بس الواقع ٢٨ من ٧٥ راسب ..اجت النتائج الكل بحكيلي حمزه اذا رسبت ما تعمل شي امك ما عندها غيرك .نجحت بالتجميع رسبت في ماده الانجليزي ٢٨ حمدت الله واستمريت .......

الفصل الثاني تعبت ما كانت دراستي زي الاول ما ضل حماس جبت الفصل الاول مع كل هالتعب٧1

ما ضل نفس صرت احمل هم كيف بدي انجح انجليزي رحت لاستاذ الله يخلف عليه اسمه سائد دهيمش وبمساعده اختي ودراسه ذاتيه ما تركته الانجليزي اتحداني وضليت وراه وراه وصلت لامتحاني التاني ما حدا متوقع انجح حتي ابوي كان مصدوم من الاول ومصدوم من فرحتي مع انو كنت راسب بماده بس كنت منجز كل شي زي ما هوا مبين بعلامتي الفصل الاول والامتحان التاني الانجليزي انا متكمن وطلعت فرحان اختي صلحتلي حكتلي بتجيب ٦٠. انا بكيت فرحه عرفت اني خلصت توجيهي هيك وفعلا اجت النتائج ونجحت من اول مره وعلى فصلين هاي السنه الحمد لله ابوي ما خلا حدا الا يتباهى فيني واعتذلي وحكالي المنطق كان يحكيلي انو هاد الشكل ما بتعلم فرحتي مليون لما شفت النتيجه انجليزي ٥١ وجبت 70وعدلتها والي تخوتو علي ما صدقوني الكل بكى وانا فقعت بكى الحمد لله وهيني سجلت قانون في ال البيت ... وبلش مشواري التاني... 😍

(الميكانيكي المحامي)

"منقول"